Month: April 2018

Дар Самарқанд бо иштироки доираҳои тиҷоратии Суғду Самарқанд Бизнес – форум баргузор шуд

Рӯзи 21 апрел дар меҳмонхонаи “Регистон плаза” – и шаҳри Самарқанд бо иштироки доираҳои тиҷоратии вилоятҳои Суғду Самарқанд Бизнес – форум баргузор шуд.

Дар маросими ифтитоҳи Бизнес – форум Раиси вилояти Суғд Раҷаббой Аҳмадзода ва ҳокими вилояти Самарқанд Туробҷон Ҷӯраев иштирок ва суханронӣ намуданд. (more…)

Миёни вилоятҳои Суғду Самарқанд ба маблағи беш аз 100 миллион доллари ИМА шартномаҳои ҳамкорӣ ба имзо расонида шуд

Рӯзи 21 апрели соли равон дар меҳмонхонаи “Регистон плаза”-и шаҳри Самарқанд бо иштироки доираҳои тиҷоратии вилояти Суғд ва вилояти Самарқанд Бизнес – форум ва намоиши маҳсулоти саноатӣ баргузор шуд.

Дар расми ифтитоҳи Бизнес – форум нахуст Раиси вилояти Суғд Раҷаббой Аҳмадзода ва Ҳокими вилояти Самарқанд Туробҷон Ҷӯраев суханронӣ намуда, бозшавии гузаргоҳҳои марзӣ ва барқароршавии робитаҳои мардумони тоҷику ӯзбекро самараи сиёсати оқилонаи роҳбарони ҷумҳуриҳои Тоҷикистону Ӯзбекистон арзёбӣ карданд. (more…)

Дар Анҷумани сеюми минтақавии шартномабандӣ беш аз 40 меморандум ва шартномаҳои ҳамкорӣ ба имзо расид

Чунонки иттилоъ дода будем, 13-14 апрели соли равон дар маркази таълимии Бонки миллии Тоҷикистон, веқеъ дар шаҳри Гулистон Анҷумани сеюми минтақавии шартномабандӣ баргузор гардид.

Дар анҷоми Анҷумани сеюми минтақавии шартномабандӣ маросими баимзорасии шартномаҳо ва меморандуми ҳамкорӣ баргузор гардид. Миёни Палатаи савдо ва саноати вилоятҳои Суғду Хатлони Ҷумҳурии Тоҷикистон, вилоятҳои Самарқанд, Тошканд ва Бухорои Ҷумҳурии Ўзбекистон ва вилояти Ҷалолободи Ҷумҳурии Қирғизистон шартномаи ҳамкорӣ ба имзо расид. Дар маҷмўъ, дар анҷуман бештар аз 40 меморандум ва шартномаҳои ҳамкорӣ, аз ҷумла 17 меморандум бо Федератсияи Россия, 12 меморандум бо Ҷумҳурии Ўзбекистон, 6 меморандум миёни Палатаҳои савдо ва саноат, шартномаҳои ҳамкорӣ байни намояндагони вилоятҳои Суғду Хатлон ба имзо расиданд. (more…)

III Анҷумани минтақавӣ оид ба шартномабандӣ-2018

Рӯзҳои 13-14 апрели соли 2018 дар шаҳри Гулистони вилояти Суғд III Анҷумани минтақавӣ оид ба шартномабандӣ-2018 баргузор мегардад. Дар форум намояндагони доираҳои корӣ аз бисёр давлатҳои хориҷӣ иштирок мекунанд.

Дар доираи Форум муҳокимаи ташкили таъминоти маҳсулот, дурнамои рушди соҳа, инчунин гузаронидани вохӯриҳо байни истеҳсолкунандагон ва воридкунандагон аз Федератсияи Россия, Қазоқистон, Қирғизистон, Ӯзбекистон, Ҷумҳурии Белорус, Ҳиндустон ва Ҷумҳурии Мардумии Чин баргузор мегардад.

Ташкилкунандагони чорабинӣ: Мақомоти иҷроияи ҳокимияти давлатии вилояти Суғд дар якҷоягӣ бо Палатаи савдо ва саноати вилояти Суғд.

Бо барнома ва шакли дархост барои иштирок, инчунин  маълумоти муфассалро Шумо метавонед тариқи сомонаи: www.exposughd.com.  шинос шавед.

БАРНОМАИ ФОРУМ