Палатаи савдо ва саноати вилояти Суғд Ҷумҳурии Тоҷикистон

23 феврал дар маҷлисгоҳи меҳмонхонаи “Суғдиён”-и шаҳри Хуҷанд вохӯрии кории Раиси Палатаи савдо ва саноати Ҷумҳурии Тоҷикистон Раҳмонализода Фарҳодшоҳ Раҳмонали бо аъзоёни Палатаи савдо ва саноати Ҷумҳурии Тоҷикистон дар вилояти Суғд баргузор гардид. Чорабинии мазкур ба масъалаҳои таҳкими шарикии давлат ва бахши хусусӣ ва дастгирии истеҳсолкунандагони ватанӣ бахшида шуд.

Вохӯриро Омири кулли Палатаи савдо ва саноати вилояти Суғд Аҳмадзода Ҷумабой  ифтитоҳ намуда дар  аҳамияти муколамаи мустақими байни роҳбарияти Палата ва бахши воқеии қайд намуд.

Раиси ПСС ҶТ Раҳмонализода Фарҳодшоҳ Раҳмонали зимни баромади худ дар бораи хизматрасониҳои Палатаи савдо ва саноат ба аъзоён ва мавқеъи он дар рушди бахши хусуси, муфассал суханронӣ кард.

«Вазифаи муштараки мо — фароҳам овардани фазои мусоид барои ҳар як соҳибкор аст. Палатаи савдо ва саноат омода аст ҳамчун пули боэътимод миёни соҳибкор ва давлат баромад карда, манфиатҳои истеҳсолкунандагони ватаниро ҳимоя намояд», — таъкид дошт Раҳмонализода Фарҳодшоҳ.

Таваҷҷуҳи хоссаро Раҳмонализода Фарҳодшоҳ Раҳмонали ба ибтикори баргузории озмуни «35 Шарики боэътимоди сол» ба муносибати 35 солагии Истиқлоли давлатии Ҷумҳурии Тоҷикистон зоҳир намуд.

Пас аз суханронии Раиси Палата, вохӯрӣ дар шакли мубоҳисаи озод идома ёфт. Соҳибкорон оид ба дастгириҳои давлати ва имтиёзу сабукиҳои Ҳукумати мамлакат изҳори сипос намуда, доири мушкилоте ё монеаҳоеро, ки дар фаъолияти ҳамарӯзаи худ бо онҳо рӯ ба рӯ мешаванд, мустақиман баён кунанд.

Дар фарҷоми чорабинӣ ҷонибҳо ба хулосае омаданд, ки муваффақияти иқтисодиёт аз муттаҳидии доираҳои корӣ вобаста аст. Раиси ПСС ҶТ ба соҳибкорони суғдӣ барои саҳмашон дар буҷети кишвар изҳори миннатдорӣ намуда, итминон зоҳир кард, ки корхонаҳои минтақа дар озмуни ояндаи «Шарики боэътимоди сол» мавқеъҳои пешсафро ишғол хоҳанд кард.

• Next