Палатаи савдо ва саноати вилояти Суғд Ҷумҳурии Тоҷикистон
Семинар барои рушди соҳаи кишоварзӣ ва коркарди маҳсулоти ширӣ
Санаи 9 феврал дар толори Палатаи савдо ва саноати вилояти Суғд дар ҳамкорӣ бо Барномаи “Рушди деҳот тавасути муносибатҳои бозоргонӣ”-и Лоиҳаи USAID барои соҳибкорони вилоят, ки дар самти парвариш ва коркарди маҳсулоти кишоварзӣ ва коркарди маҳсулоти ширӣ фаъолият менамоянд семинар дар мавзӯъи “Имкониятҳои маблағгузорӣ ва дастраси ба маблағҳои грантӣ” доир гардид.
Дар семинар муовини Омири кулли Палатаи савдо ва саноати вилояти Суғд Ғайрат Қобилзода ва менеҷери бахши грантҳои Барномаи “Рушди деҳот тавасути муносибатҳои бозоргонӣ”-и Лоиҳаи USAID Умед Азизов иштирок ва суханрони намуданд.
Умед Азизов дар семинар барои иштирокдорон оиди Барномаи “Рушди деҳот тавасути муносибатҳои бозоргонӣ”-и Лоиҳаи USAID маълумоти муфассал манзур намуда, иброз намуд, ки барои дастгирӣ ва рушди фаъоляити корхонаҳои коркарди маҳсулоти кишоварзӣ ва ширӣ ба маблағи 6 млн доллар маблағҳои грантӣ ҷудо шудааст. Барои пешниҳоди лоиҳа ва гирифтани грант Умед Азизов ба иштирокчиён тарз ва усулҳои онро муфассал шарҳ дод.
Семинари мазкур ба соҳибкорон имкон дод, ки оиди ин лоиҳа маълумоти муфассал пайдо намоянд ва талаботи зарурии ин барномаро ҷиҳати омода ва пешниҳод намудани лоиҳаҳо барои гирифтани маблағҳои грантӣ аз худ намуда, ба саволҳои худ аз менеҷери бахши грантии барномаи ҷавобҳои мушахас гирифтанд.
Дар семинар 18 нафар соҳибкорон, аъзоёни Палата иштирок карданд.
Исполнительный орган государственной власти Согдийской области
Торгово-промышленная палата Республики Таджикистан
Свободная экономическая зона Сугд
Программа развития ООН
Германское общество по международному сотрудничеству
Торгово-промышленная палата России
Белорусская торгово-промышленная палата
Торгово-промышленная палата Республики Казахстан
Торгово-промышленная палата Республики Узбекистан
Могилевское отделение БелТПП