Палатаи савдо ва саноати вилояти Суғд Ҷумҳурии Тоҷикистон

22 феврали соли 2024 дар Палатаи савдо ва саноати вилояти Суғд семинарҳои омӯзишӣ дар мавзӯъҳои «Қонуни Ҷумҳурии Тоҷикистон дар бораи низоми иҷозатдиҳӣ», «Боркашонии байналмилалии молҳо» ва дар бораи имтиёзҳои суғурта барои соҳибкорони вилоят доир гардид. Семинар бо дастгирии Палатаи савдо ва саноати вилоят баргузор гардид.

Мақсади асосии семинар дастгирӣ намудани фаъолияти соҳибкорон ва корхонаҳои истеҳсолӣ  мебошад.

Омири кулли Палатаи савдо ва саноати вилояти Суғд Аҳмадзода Ҷумабой Раҷаб семинаро ифтитоҳ намуда, дар бораи хизматрасониҳои Палатаи савдо ва саноат муфассал суханронӣ намуда, қайд намуд, ки аъзогӣ дар Палатаи савдо ва саноати Ҷумҳурии Тоҷикистон ба ширкатҳо дар пайдо кардани шарикони нав, густариши ҳамкориҳои тиҷоратӣ ва дарёфти шарикони ҳамкор ва дигар масъалаҳои гуногуни тиҷоратӣ мусоидат мекунад.

Дар семинар зиёда аз 15 нафар соҳибкорони вилоят иштирок намуданд.

Ба семинари мазкур раиси Ассотсиатсияи соҳибкорони вилояти Суғд Ҳусейнов Абдураҳмон ҳамчун тренер даъват шуда, оид ба расмиёти низоми иҷозатномадиҳӣ маълумоти муфассал ва пурмазмун ба соҳибкорон манзур намуд. Намояндаи ширкати боркашонии байналмилалии «АВВАТ» Машарипов Бахром ва Сардори ширкати суғуртавии «Мехнат» дар вилояти Суғд Ҳайдаров Саидмузаффар оид ба фаъолияти худ ва дастгирию хизматрасониҳо барои соҳибкорон суханрони намуданд.

Дар анҷоми семинар саволу ҷавоб сурат гирифта, иштирокчиёни семинар дониши худро оид ба мавзӯъхои баррасишуда васеъ намуданд.

• Next